ಸಂಕ್ರಾಂದಿ ಕರಿಪುನಿ ಪಂಡ ದೈವ ದೇವೆರೆಗ್ ಕಾಲ ಕಾಲಗ್ ಪೂ ನೀರ್ ಕೊರ್ದು ಬಡವು ಬಾಜೆಲ್ ತಗ್ಗಾವುನಿ ಪಂದ್ ಅರ್ಥ ಪನ್ಪಿನ ಅಭಿಪ್ರಾಯೊನು ತುಳುವ ಸಂಸ್ಕೃತಿ ತಜ್ಞೆರಾಯಿನ ಮಂಜುನಾಥ್ ಡಿ. ಶೆಟ್ಟಿ ಮೇರ್ ಜೂನ್ 8 ಗುರುವಾರ ತುಳುಚಾವಡಿ ಕಾರ್ಯಕ್ರಮಡ್ ಪಾಲ್ ಪಡೆದ್ ಪಾತೆರೊಂದು ಇತ್ತೆರ್.

 

 

 

 

 

 

ಈ ಕಾರ್ಯಕ್ರಮಡ್ ಆರ್ ಪಾತೆರೊಂದು ದುಂಬು ತುಳುವೆರ್ ಸಾನೊಡ, ಮಾಡೊಡ, ಗುಂಡೊಡ, ಉಜ್ಜಲ್ಡ, ಮನೆಮಂಚಾವುಡ, ಇಲ್ಲದ ಉಲಯಿದ ಚಾವಡಿಡ, ದಿನ ನಿಚ್ಚ ತುಡರ್ ದೀದ್ ಪೂ ನೀರ್ ದೀವೊಂತೆರ್. ದೀವಂದಿನ ಜಾಗೆಲ ಉಪ್ಪು; ಆಂಡ ಸಂಕ್ರಾಂದಿ ಕರಿಪಂದಿ ವಾ ಜಾಗೆಲ ಉಪ್ಪಂದ್. ನಮ ಮೂಜಿ ಪೊರ್ತು ಉನ್ಪ ತಿನ್ಪ; ಬಡವು ಬಾಜೆಲ್ ಮಾಜಾವೊಂಬ, ಅಂಚನೆ ನಮ ನಂಬಿ ದೈವೊಳೆಗ್ ತಿಂಗೊಳ್ದ ಪ್ರತಿ ಸಂಕ್ರಾಂತಿದಾನಿ ಪೂ ನೀರ್ ದೀಪ. ಬೊಂಡ ಪೊರಿ ಪೊದ್ದೊಲು ಪನಿವಾರ ಪಾಡುವ. ಆಂಡ ನಮ ದೀಪುನ ನಿಚ್ಚ ಪೂ ನೀರ್'ದಾತೆ ಪ್ರಧಾನ ನಮ್ಮ ತಿಂಗಳುಗು ಕರಿಪುನ ಸಂಕ್ರಾಂದಿ. ನಮ್ಮ ಒಂಜಿ ತಿಂಗೊಲು ದೈವಲೆಗ್ ಒಂಜಿ ದಿನ ಪನ್ಪಿನ ನಂಬೊಲಿಗೆ ನಮ್ಮ ಹಿರಿಯಕುಲ್ನ. ಸಂಕ್ರಾಂದಿ ಪನ್ಪಿನವು ರಾಜನ್ ದೈವೊಲೆಗ್ ಏತ್ ಪ್ರಾಧಾನ್ಯತೆ ಉಂಡ ಆತೆ ಪ್ರಾಧಾನ್ಯತೆ ಕುಟುಂಬದ ಆಂಚನೆ ಇಲ್ಲದ ದೈವೊಲೆಗ್ ಸಂಕ್ರಾಂದಿ ಕರಿಪುನೆಕ್ಲ ಉಂಡು, ಪಂದ್  ಆರ್ ಪಂಡೆರ್.

 

ರಾಜನ್ ದೈವೊಲೆಗ್ ರಾಜನ್ ದೈವದ ಮಟ್ಟಡ್, ಕುಟುಂಬದ ದೈವೊಲೆಗ್ ಕುಟುಂಬದ ಮಟ್ಟಡ್, ಇಲ್ಲದ ದೈವೊಗು ಇಲ್ಲದ ಮಟ್ಟಡ್ ಸಂಕ್ರಾಂದಿ ಕರಿಪೊಡು. ಸಂಕ್ರಾಂದಿ ಕರಿತಿಜಿಡ ಮಾ ಮಲ್ಲ ದೋಷ ತೋಜು. ದೈವೊಲೆಗ್ ಆಡಂಬರ ಬೋರ್ಚಿ; ಕಾಡ ಪೂ, ತೊಡ ನೀರ್ ದೀದ್'ಲ ನಂಬೊಲಿ.  ಅಂಚಾದ್ ಕೇಪುಲ ಪೂಕ್ ಮಸ್ತ್ ಪ್ರಾಧಾನ್ಯತೆ ಉಂಡು. ಪೊರಿ ಬಜಿಲ್ ಬೊಂಡ ಪರೊಂದ್ ಬಲಸ್'ದ್ ನಂಬುನ ಕಿರಿಮ ದುಂಬುರ್ದೆ ನಮ್ಮ ಹಿರಿಯಕುಲ್ ಮಲ್ತೋನ್ದು ಬತ್ತ್'ದೆರ್, ಪಂದು ಈ ಕಾರ್ಯಕ್ರಮಡ್ ಆರ್ ಪಾತೆರೊಂದು, ಬಿನ್ನೆರ್ನಕ್ಲ್ ಕೇಂಡಿನ ಪ್ರಶ್ನೆಲೆಗ್ ಉತ್ತರ ಕೊರಿಯೆರ್.